Société

Société

SOS-DEMOCRATIE
Organisation des Droits Humains

Me Magnekell REGULUS
(509)3749-2130

SOLIDARITE A OUVRIYE CODEVI, ZÒN FRANCH WANAMENT

SOS-DEMOCRATIE yon fwa ankò ap kondane avek tout fòs li Abi OUVRIYE ap sibi nan tout FAKTORI nan peyi a, e sitou OUVRIYE CODEVI ki kanpe travay depi Lendi Pou denonse Leta ki pa deside kite yon goud Pou yo lè yo deside fè prelèvman sou chak grenn Ouvriye plizyè kategori enpo tankou FDU, IRI, CAS, CFDGCT san konte 6% ONA a. E lè nou adisyone tout enpo yo, li 24% Pou kèk OUVRIYE e jiska 34% Salè de kèk lòt OUVRIYE.

Nou pap fè yon pledwaye Pou moun pa peye enpo… Men Poukisa nou refize aplike lespri atik 35 Konstitisyon an ak atik 137 kòd travay la pou nou ajiste Salè a, epi se gwo prelèvman sou ti kras salè yo a nou plis enterese ? Poukisa se lwa ki di nou dwe fè prelèvman sou yo nou aplike e lwa ki mande poun Ajiste salè yo pase anba pye ? Epi tou kisa Enpo ye ? Enpo seyon sòt de kontribisyon tout sitwayen bay pèsonèlman nan objektif Pou ede Leta bay de sèvis kolektif tankou elektrisite, bon wout, asenisman, konstwi lopital ak Lekol elatriye. Men lèw chwazi pran kantite kòb sa sou yo kòm enpo epi kotew vire Wanament wout yo se tè kote 3/4 pa betone, pagen kouran nòmal, pagen bonjan lopital, inivèsite elatriye, mwen ta jis mande ki finalite reyèl kòb sa yo ?

Nou konprann lèw pran 34% nan yon ti salè kote salè yon OUVRIYE se 420 goud li ye/jou ?

Mwen toujou di dirijan isi yo depi lontan a jodia, ke tout Leta ki respekte tèt yo toujou pran a kè 2 pwensip sa yo kise 1- prince de prévention… 2- principe de précaution… Paske se nan pa prevni nou konsa ki pèmèt jodia nou kapab resanse omwen 76 gwoup de gang paske jisteman nou pat janm fè prevansyon.

Donk, lèw deside pa ajiste jan lalwa di Salè OUVRIYE yo epiw kase menl pran 34% sou salèl… Otomatikman ou dil pa mete pitit li lekol e komanw ta vle demen ke timoun sa pa yon chef Gang ?

Antouka SOS-DEMOCRATIE kondane janl toujou fèl, tout konpotman pasif Leta nan tout nivo toujou genyen lè enterè OUVRIYE yo menase, e mande a DG DGI a Miradin Morlan poul repanse e regade kesyon sa nan enterè majorite sak pi fèb yo kap bourike nan FAKTORI nan tout peyi a.

Me Magnekell REGULUS
Secrétaire exécutif SOS-DEMOCRATIE
(+509)3749-2130
lepresidentmagnekell@gmail.com

Related posts

Leave a Comment