Société

Société

420 goud/jou nan yon FAKTORI ? Seyon katastwòf ak yon mank de dega

lepresidentmagnekell@gmail.com

Plizyè konvansyon ak deklarasyon pami yo @Declaration interaméricaine des droits et devoirs de l’homme nan atik 14 li di klè ke tout moun gen dwa pou yo travay ak dwa pou resevwa yon SALÈ ki ka pèmèt yo asire yon nivo de vi pizoumwen konvenab non sèl pou moun kap travay la men tou pou fanmi li e se rezon sa ki koz lespri Manman lwa peyi Dayiti, savle di konstitisyon peyi a nan atik 35 li fè konprann ke finalite travay sepou kapab reponn a bezwen ou, bezwen fanmi ou Ak pou ede Leta poul ka ede lòt ki pap travay yo.

Pou pèmèt jwèt la byen fèt ant OUVRIYE yo ak PATWON yo, kòd travay ayisyen an nan atik 137 li, li di : @Depi Nivo lavi chè a rive nan 10%, CSS la kise enstans ki dwe ajiste Salè dwe reyini pou ajiste li nan objektif pou ede pòmalere kap bourike nan FAKTORI yo mye batay avek lavi chè a. Men se pa sa ki janm fèt lè nou konsidere an 1991 OUVRIYE yo te konn touche 28 goud e dola meriken an te 7 goud, sa vle di 28 goud la te ekivalan a 4 dola… An 2016 OUVRIYE yo tap touche 350 goud kote lè yo konvèti li an dola jan to a te wo, li te toujou ekivalan a anviwon 4 dola meriken…. Savle di yo ogmante goud la, men yo tou monte dola a pou repranl nan men pòmalere yo nan pwodwi alimantè…..

E Jodia anko aprè plizyè leve kanpe kap fèt pou reklame 1000 goud ki tap toujou pa sifi pou yo koresponn avek lavi chè a, Prezidan JOVENEL avek CÉANT pa pè li pa krent pou yo bay @420 Goud kòm SALÈ MINIMÒM. An nou onèt mesye, 8 tè de tan de travay Kifkif pou 420 goud kote ONA, OFATMA, ak lòt ankò gen pou pran sou yo seyon KRIM.

An nou Gade konbyen kap rete pa jou pou yon OUVRIYE san nou pa nan fè gwo kalkil pandan n’ap pran yon egzanp sou yon ti tèks byen senp ekonomis Loubert Lorissaint ekri ki pran egzanp yon OUVRIYE kap soti kafou pou ale nan SONAPI zòn 3 Men:

1-Yon machin pou metel Teyat Nasyonal ap koutel 20 goud

2-youn pou metel 3 Men pou ap koutel 15 goud

3- Yon Aleken ap koutel 75 goud

4- 3 sachè dlo pou desann grès la ap koutel 5goud

PAUSE

5-Pandan poz la li oblije HT yon manje kap koutel pou pipiti nan lè poz la *100 goud*

6- 3 sache dlo anko ap koutel *5 goud*

7- Poul retounen nan aprè midi anko machin nan koutel 35 goud aprè anpil mache a pye

8-Admeton li gen 2 timoun pou li voye yo lekol li bay yo chak 25 goud sa ki fè *50 goud*

Lèw adisyone ti depans sa yo pandan nou inyore anpil lot paske malere pa nan fè bwòdè, OUVRIYE a depanse *305 goud*

E lèw retire *305 goud* nan *420 goud* li rete nan men OUVRIYE a *115 GOUD*

Savle di *115 goud* pou peye kay, pou peye lekol timoun, pou bay timoun yo lamanjay, pou abiye yo, pou lopital , pou dlo, pou liv, pou inifòm, pou lopital ou lanmò yon paran ki ta tonbe malad ou mouri, antouka pou tout bagay.

Donk lè map gade bagay sa map mande mesye eske nou serye ?

Wanique ki se prezidan komisyon afè sosyal kwaze bra li li pa di anyen.

JOVENEL pou rekonpanse ti mesye APEID yo ki te finanse kanpay li deside jodia travay o detriman OUVRIYE…. Men prezidan JOVENEL raplew lèw te kandida ou se sèl e inik kandida OUVRIYE CODEVI WANAMENT yo te aksepte vin penetre pak la, anverite yo pat kwè se ou menm ki ta travay kont yo nan nivo sa..

Men pa okipew pa lontan repons lan ap bay paske OUVRIYE yo pral pran lari a kòm se nan kraze brize ou tande pèp la.

@Magnekell REGULUS
Jeune engagé
Secrétaire exécutif SOS-DEMOCRATIE
@Vwa Wanament nan POTOPRENS
(509) 3749-2130

Related posts

Leave a Comment