Société

Société

Yon moso manman

Ou met te pase katòzan ban lekòl
Ou met te respekte pwotokòl
Ou mèt pa t janm bwè alkòl
Depi w pa respekte manman ,
Nan je sosyete a,
Ou dwòl

Yon moso manman
Se yon je zegwi
K ap pyese tchou kreve tchovi( Tizanfan)
Manman toujou di wi
Se yon ti gout dlo nan dezè
Pou pitit yo pase mizè
Se manman k pou di w
Chaj lavichè

Malgre baboukèt lavi,
Yo mèt te megri
Pèdi tout chè
Yo pap bay legen
Se pa yon sèl jou yo merite bèl mo
Flatè ak blofè
Men,
Manman yo
Merite tout jou

Yon moso manman
Se li k pi chè,
Men l pa gen pri.

Manman se….

Manman m se yon pye lila
Menmsi l pa jwenn dlo
Li paka mouri
Li se yon fanm kwabosal
Li toujou an teni sal
Ak lavi y ap jwe foutsal
Manman se yon afiba
Enpòtans li vo plis ke sant li
malgre souflèt nan men lavi
Men l pa p bat ba
Kwake kout ba

Manman se yon chandèl
Toujou piwo tankou flanbo
Li pat pè move zè
Depi 2zè maten w doubout
Pa t gentan pou w fè fèzè
Maman se djibobi
Paske l pa janm manke flo
Pou koze pitit je toujou kouri dlo
Manman se geri tou
Son fanm brav tou
Manman pa pè fredi
Figi l mèt te secheredi

Manman m pat yon demon
Men nan chache lavi
Li pat konn priyè midi
Manman pa m
Manman pa nou tout
Se yon bann Ewo
Se pou n leve yo byen wo
Menmsi n pa gen kado
Se pou n ba yo yon ti bo

Jameson
Le poète révolté
FLLL

Related posts

Leave a Comment