Politique

Politique

10Senatè Prale,19 Ap Rete, Magnekell REGULUS Ap Eksplike
____________________
Me Magnekell
REGULUS
(+509)3749-2130
lepresidentmagnekell@gmail.com

Depi kèk mwa genyon deba initil sou manda Palmantè kote yon gwoup moun di se 19, yon lòt gwoup di se 10 Senatè ki prale dezyèm Lendi k’ap vini la. Men Verite a se ki sa an reyalite ?

An reyalite tout moun k’ap di se 19 Senatè ki prale, siw pale ak yo an koulis yo konnen byen se pa 19 men se 10. Men pou yon enterè kèlkonk yo vann yon lòt diskou nan opinyon an pandan yo chita yon kote yap ri yon bann moun k’ap pote diskou a pou yo de fason inosant paske se de espesyalis ki konnen ayisyen byen, yo konnen nou nan yon sosyete kote tout moun se ekspè, yon sosye kesyon/repons kote tout moun pale nan tout sijè menm sil pa domèn yo,yon sosyete kote sa moun nan panse a se li ki verite menm si la lwa ou la syans di yon lòt bagay ki deja verifye e demontre. Donk, pou moun ki vle tout bon konprann kesyon sa, n’ap di yo ke seyon kesyon ke lalwa tranche deja, men se moun k’ap fè politik pou bwouye lespri moun nan enterè pa yo.

Kòman ?

Dabò pou yon moun rive Senatè kòm se de sa nap pale, gen 2 bousòl ki gidel : 1-Konstitisyon an
2-Lwa Elektoral la

Dabò kisa Konstitisyon an di ?
Deja atik 114 Manman lwa peyi a di : Manb Lejislatif yo, savle di Senatè ak depite yo envyolab depi JOU YO PRETE SÈMAN Jiska ekspirasyon Manda yo.Sa vle di Konstitisyon an rekonèt nan atik 114 la ke manda Palmantè yo kòmanse Jou yo prete sèman.

Donk, nou konnen kilè Manda yon Palmantè kòmanse selon atik 114 la, kounye a an n’al gade dire manda a.

Dekrè elektoral la nan atik 50.3 di klèman ke kandida ki fè plis vwa nan eleksyon 2015 yo ap rete an fonksyon jiska dezyèm Lendi Janvye nan 6 zyèm ane mandal la la.

E ki seri de Kandida o sena ki te fè plis vwa nan eleksyon 2015 yo nan Depatman lakay yo :

Depatman Nò: Dieudonne LUMA ETIENNE

Depatman Nòdès : Ronald Lareche

Depatman Nòdwès: Onondieu LOUIS

Depatman Latibonit : Youri LATORTUE

Depatman Sant : Wilot Joseph

Depatman Lwès : Jean Renel SENATUS

Depatman Sid : Jean Marie Junior SALOMON

Depatman Sidès : Dieupie CHERUBIN

Depatman Nip: Nenel CASSY

Depatman Grandans : Guy Philippe ki malerezman an detansyon, li poko nan prizon paskel poko definivman Kondane jan anpil moun ap repetel.

Konstitisyon an nan atik 114 di nou klè ke manda yon Palmantè kòmanse Jou li prete sèman paske se jou sa li rantre an fonksyon e se apati de jou sa li envyolab.E Senatè mwen sot site la yo prete sèman Dezyèm Lendi Janvye 2016.Atik 50.3 Dekrè Elektoral la di manda moun sa yo ap fini dezyèm Lendi nan 6 zyèm ane manda yo, e la mwen pa kwè nou oblije gen gwo nivo poun konprann ke yon manda 6 zan ki kòmanse an 2016 paka fini an 2020 men pito an 2022…. E kesyon sa telman klè, nan sètifika KEP a remèt a chak Senatè sa yo, li ekri nwa sou blan ke yo eli kòm premye Senatè nan Depatman lakay yo.

Antouka mwen panse ke Prezidan Jovenel kise garan bòn mach enstitisyon yo paka rantre nan yon lojik kraze enstitisyon an vyolan lalwa. Men tou mwen rekonèt li kòm yo gwo pokè politik paske se sòt ki bay enbesil ki pa pran, li jis tap pwofite fin kraze yon Palman kote palmantè yo te kòmanse kraze paske nou telman fè politik lèd, chak yon Palmantè pale nan radyo li montre ke se li sel ki bon, se li sel ki pa volè tout lòt yo se volè, tout lòt yo pa bon, san okenn sousi pou pwoteje enstitisyon an, konsa piblik la vin gen move imaj de nou sa fè Jodia nou vilnerab malgre lalwa bò kote nou. Men mwen pa swete Prezidan Jovenel rantre nan lojik kraze enstitisyon andeyò lalwa, paske janm toujou dil, konseye ka baw tout sòt de konsèy… e jan Konfigirasyon politik la ye an Ayiti, konseye yo pa souvan bay konsèy pou pwoteje Prezidan an men pito konsèy k’ap pwoteje ou k’ap fè plezi a gwoup enterè a ke Prezidan an ka pòdjab menm inyore. Konseye politik isi, yon bann enfliyansè denterè… Men sel responsab e sel moun k’ap genyen yon jou ou lòt menm moralman peye konsekans yo, se ou Prezidan.Kounye a ògèy ka fèw pran tout vye desizyon, men se Aprè yon tan lèw chita wap gwoupe tout bon desizyon ou te pran pandan mandaw la, evite pou dezyèm lendi k’ap vini la pa nan lo move desizyon ou te pran, e sitou raplew mwen pat janm wè yon jou yon manifestasyon nan lari a kont konseyew yo men kont ou, savle di sa pouw konnen, kelkeswa konsekans move desizyonw ou sel moun k’ap peyel e konseye yo gen zanmi politik tout kote, yap sèvi tout lòt Pouvwa k’ap vini, menm Pouvwa k’ap gen pou anfas ou. Siw pa konprann Jodia, mete tèks sa sou bwat ou yon jou wa konprann.

Donk, mwen fin demontre nou selon lalwa se 10 Senatè ki prale e 19 ap rete…. mwen espere kem te itil atravè ti tèks sa pou te ede nou konprann yon sitiyasyon ki an reyalite senp men ke te vle konplike.

Me Magnekell REGULUS
-Sekretè Egzekitif SOS-DEMOKRASI

  • Sekretè Jeneral LOD DEMOKRATIK
    (+509)3749-2130
    lepresidentmagnekell@gmail.com

Related posts

8 thoughts on “Politique

  1. Title

    […]The info mentioned inside the post are several of the best out there […]

  2. Title

    […]always a major fan of linking to bloggers that I enjoy but don’t get a good deal of link appreciate from[…]

  3. Title

    […]always a large fan of linking to bloggers that I love but really don’t get a great deal of link love from[…]

  4. Title

    […]Here are some of the web sites we advise for our visitors[…]

  5. Title

    […]that is the finish of this report. Here you will locate some websites that we consider you’ll value, just click the hyperlinks over[…]

  6. Title

    […]Here are some of the web pages we advise for our visitors[…]

  7. Title

    […]that will be the end of this report. Right here you will uncover some websites that we feel you will enjoy, just click the links over[…]

  8. Title

    […]here are some links to sites that we link to mainly because we think they are really worth visiting[…]

Leave a Comment